ក្រសួងអប់រំ រៀបចំអាហារសម្រន់ ដល់សិស្សបឋមសិក្សា ចាប់ពីឆ្នាំ២០១៩-២០២០តទៅ
28-November-2019 | ដោយ ពលមនសិការ
បន្ទាយមានជ័យ៖ ក្រសួងអប់រំបានរៀបអាហារសម្រន់ដល់សិស្សរៀនសាលាបឋមសិក្សាចាប់ពីឆ្នាំ២០១៩ ដល់២០២០តទៅ ទូទាំងខេត្តបន្ទាមានជ័យ ក្នុងកិច្ចប្រជុំការងារបច្ចេកទេសចម្រុះវិស័យអបរំថ្នាក់ខេត្ត ធ្វើនៅរសៀលថ្ងៃទី២៨ ខែវិច្ឆិការ ឆ្នាំ២០១៩នៅមន្ទីអប់រំយុវជន និងកីឡា ខេត្តបន្ទាយមានជ័យ។
លោក ឈូ ប៊ុនរឿង ប្រធានមន្ទីរអប់រំ យុវជន និងកីឡា ខេត្តបន្ទាយមានជ័យ បានប្រសាសន៍ថា៖កម្មវិធីផ្តល់ស្បៀងអាហារតាមសាលារៀនដោយប្រើប្រាស់កសិផលក្នុងសហគមន៍។ នៅទូរទាំងខេត្តបន្ទាយមានជ័យមានសាលារៀនចំណេះទូទៅរដ្ឋចំនួន៨១៨កន្លែង មានសិស្សសរុបចំនួន១៥២.៥៩០នាក់ ស្រី៧៦.០៩៩នាក់។
លោកបានបញ្ជាក់ថា៖មតេយ្យសិក្សាមានចំនួន៣២៤កន្លែង បឋមសិក្សាមានចំនួន៤១០កន្លែង អនុវិទ្យាល័យមានចំនួន៥៦កន្លែង វិទ្យាល័យមានចំនួន២៨កន្លែង។
លោកជំទាវ ប៉ុក ណាឌី អភិបាលរងខេត្តបន្ទាយមានជ័យមានប្រសាសន៍ថា៖រាជរដ្ឋាបាលកម្ពុជា ក្រសួង អប់រំ យុវជន និងកីឡា ក្នុងឆ្នាំ២០១៩-២០២០បានផ្តល់ស្បៀងអាហារតាមសាលារៀនដោយប្រើប្រាស់កសិផលក្នុងសហគមន៍ក្នុងសិស្សចំនួន១០០នាក់គឺចុងភៅ១នាក់។
លោកជំទាវបានបញ្ជាក់ថា៖នេះជាការរួមចំណែកដល់សក្តានុពលវិស័យអប់រំ វិស័យកសិកម្ម និងសេដ្ឋកិច្ចគ្រួសារក្នុងសហគមន៍ និងបង្កើនសេវាទទួលការអប់រំប្រកបដោយសមធម៌ និងបរិយាបន្ន បង្កើនការចុះឈ្មោះចូលរៀនបានត្រឹមត្រូវតាមអាយុតាមកម្រិតថ្នាក់ ជួយអោយរៀនបានទៀងទាត់និងនៅរៀនរហូតចប់ម៉ោងសិក្សា កាតបន្ថោយការបោះបង់ការសិក្សា រក្សាកំណើនសិស្សមតេយ្យនិងបឋមដិក្សាអោយបានគង់វង់ល្អ៕
ចំនួនអ្នកទស្សនា
- ថ្ងៃនេះ161
- ម្សិលមិញ20231
- សប្តាហ៍នេះ79241
- ខែនេះ101121
- ឆ្នាំនេះ101121
- សរុប20543577